Davao City – Gilauman nga mas mapakusgan pa ang kampanya kontra iligal nga droga palibot sa rehiyon onse karon nga dunay napulo ka bag-ong ahente ang nadugang sa Philippine Drug Enforcement Agency 11.
Subay ani, gikumpirma ni PDEA 11 Assistant Regional Director Atty.Ben Joseph Tesiorna nga midangat na sa Davao City siyudad ang bag-ong mga ahente niadtong Hunyo 29 ning kasamtangang tuig.
Segun ni Tesiorna, mas madasig pa gyod sila karon sa pagpanakop sa mga tawong nalambigit sa droga isip pagpasalamat sa gipakitang suporta ni Director General Aaron Aquino ngadto kanila.
Dugang sa opisyal, ang napulo ka mga bag-ong ahente gidestino na sa managlahi nga mga probinsiya palibot sa rehiyon onse.
Sa paapas nga pagpasabot ni PDEA 11 Information Officer Noli Dimaandal, ang dugang 10 ka ahente dili pa paigo sa gidaghanon nga gikinahanglan sa ilang buhatan kunsiderahon dako ang rehiyon onse.
RadyoMaN Joel Viray
