Sa interbyu sa DXDC RMN Davao kang Noli Dimaandal, Spokesperson sa PDEA-XI giingon niya nga hugot ang monitoring sa ilang area of responsibility (AOR) ug andam sab nga mosuporta ang komunidad ug mga stakeholders sa paghatag og impormasyon aron masikop kun ugaling dunay malambigit sa bag-ong matang sa party drugs.
Segun ni Dimaandal sa pagkakaron subay sa ilang monitoring wala pay naka sulod sa rehiyon onse kalabot sa bag-ong klase nga droga.
Gipasabot sa opisyal nga gipakusgan sab ang kampanya sa pag-edukar sa mga estudyante sa mga tulunghaan og i-apil sab ipasabot ang maong bag-ong klase sa party drugs aron kini mabantayan.
“Ang PDEA-XI ug PNP and other Law Enforcement Agency, kailangan gyud namo ang support kay sila man gud mismo naa pod silay nahibaw-an kun kinsay ma-involve ana nga mga activities ilang i-report kay para atoang masikop kun kinsa galing ang tawo nalambigit (sa) ing-ana nga binuhatan,” sulti ni Dimaandal.
Kahinumduman, kining bag-ong party drugs gihimong powder ug mahimong isagul sa ilimnon. Base sa report ang maong bag-ong klase sa party drugs nakasulod na sa Thailand ug Myanmar.
RadyoMaN Don Pulayao
