PDEA XI: Hands-off sa drug watchlist sa PNP sa babaying gipusil patay sa inn

Davao City – Adunay managlahing gikuptang mga drug personalities sa ilang talaan ang Philippine Drug Enforcement Agency XI, kapulisan ug uban pang mga law enforcement units diha sa drug operations.

Sumala ni PDEA-XI spokesperson Noli Dimaandal, wala sila mahibalo sa drug watchlist sa kapulisan, busa dili sila makahatag usab og komento kabahin sa giingong pagkalambigit sa illegal nga droga sa babaying gipusil-patay sulod sa Inn sa Mankilam, Tagum City, Davao del Norte niadtong Lunes, Disyembre 5, 2022.

Giila ang biktima nga si Mary Jane Villarito, 23 anyos, residente sa Barangay Cabuyuan, Mabini, Davao de Oro.

Giklaro ni Dimaandal, sagad sa drug operations sa kapulisan igo lang i-koordinar sa ilang buhatan (PDEA-XI), apan wala silay kasayuran kung kinsa ang mga targets sa operasyon ilabina sa drug watchlist tungod kay managlahi ang ilang pagpahigayon og mga monitorings.

Segun niya, adunay mga panahon nga parehong nigula sa drug watchlist sa PDEA ug PNP ang subject apan depende kung kinsa ang makadakop sa usa ka drug personality.

RadyoMaN Aimee Guinita