PDEA-XI: Mga high value target gitutokan sa operasyon resulta sa dagkong kantidad sa mga nakumpiskang droga

Davao City – Naka-sentro ang Philippine Drug Enforcement Agency (PDEA-XI) sa ilang operasyon sa dagkong mga drug personality ug High Value Individual, rason nga nagkadako ang kantidad sa mga nakumpiskang droga sa tibuok Davao Region.

Sa interview sa DXDC RMN Davao kang Noli Dimaandal, PDEA-XI Spokesperson gibutyag niini, usa sa ilang prayoridad sa operasyon sa pagdakop sa mga ginakuhaan sa mga user ug pusher sa supply sa shabu, aron ma-undang ang ilang transaksyon ug daghang mga drugden ang ma dismantle, diin sagad sa mga madakpan mga drugden maintainer ug visitors.

Segun ni Dimaandal, nagpabiling taas gihapon ang presyo sa shabu sa rehiyon onse gikan sa P12,000.00, P13,000.00 ngadto na sa P16,000.00 ang matag gramo.

Gipasabot sa opisyal, sa Davao Region taas pa gihapon ang supply og demand sa mga nagagamit og shabu ug nagpabiling taas ang presyo sa droga kumpara sa laing rehiyon.

“Naay supply pero maglisud ta og kuha og dinagko o kilo,So ang number 1 diha naging deterring sa ila is a collaboration with the others enforcement agencies Isa na ang help ng PNP Police Regional Office Xl ang help ng National Bureau of Investigation and other enforcement agencies ug mga stakeholders gikan Barangay nga walay puwas paghatag og suporta”, sulti ni Dimaandal.

RadyoMaN Don Pulayao