Davao City – Nanawagan karon ang Philippine Drug Enforcement Agency (PDEA-XI) sa katawhan nga dili iboto karong piniliay ang mga tawo nga anaa sa narco list nga mopapili karong Mayo 14 ning tuiga.
Awhag ni PDEA-XI Regional Director Antonio ‘Tony’ Rivera sa publiko nga dili botohon ang mga opisyal sa barangay nga anaa sa baguhay lang nga gipagawas nga listahan sa PDEA nga kasamtangan ug kanhi Barangay Officials nga nalambigit sa operasyon sa gidiling droga.
Gitataw ni Rivera nga dili man sila makasohan apan ang katawhan na ang maghukom kung angayan bang pilion kini o dili.
Sa pikas bahin, pasakaan ug kasong administratibo ang mga Barangay Officials nga mapamatud-an nga wala nagsuporta sa kampanya batok droga pinaagi sa Barangay Anti-Drug Abuse Council (BADAC).
RadyoMaN Bernard Pantallon
