Davao City – Nitabang ang mga personahe sa Philippine Drug Enforcement Agency (PDEA-Xl) sa kapulisan og Task Force Davao sa pagpahigayon og random inspection sa mga entry points sa mga pasaherong mosulod sa Davao City.
Sa pakighinabi sa DXDC RMN Davao kang Noli Dimaandal,Spokesperson sa PDEA-XI gisulti niya, adunay mga personahe sa K-9 Dog sa PDEA-XI, ang gi-assign nga mobantay sa upat ka entry points sa dakbayan aron pagseguro nga walay mga kontrabando nga makasulod sa syudad sa Davao.
Gipasabot sa opisyal, ang paglusad og random inspection, kabahin kini sa gipatumang hugot nga seguridad tungod sa long weekend sa mga pasahero nga muoli sa probinsya aron moboto sa Barangay and Sangguniang Kabataan Election sa Oktubre 30 ug kalag-kalag Nobyembre 1-2, 2023.
“Actually always gyod nato na ginahimo bisan wala pa ang Oplan Harabas continue man god na ang pag conduct nga ing-ana nga operation”,sulti ni Dimaandal.
RadyoMaN Don Pulayao
Facebook Comments
