Davao City- Pabor ang Philippine Drug Enforcement Agency kun PDEA11 nga ipatuman ang drop boxes alang sa pagdawat sa mga musombong sa mga personalidad nga nalambigit sa sindikatong buhat ingon man kining mga nalambigit sa iligal nga droga.
Kahinumdoman nagpagawas ug pamahayag ang Department of the Interior and Local Government kun DILG nga mag set up ug ‘Masa Masid Drop Boxes’ nga ipangbutang sa mga syudad, munisipalidad ug mga kabarangayan.
Gipamahayag ni Nolie Nephi Dimaandal ang tigpamaba sa PDEA11 kung magbutang ug drop boxes gikinahanglan ug kumpirmasyon ug igong ebidensiya ngadto sa mga pangalan sa criminal.
Apan gipasabot ni Dimaandal gikinahanglan gayod ang pagtambayayong sa katawhan ilabina sa pagtunol ug mga impormasyon sa ilang buhatan agi’g pagtabang sa atong gobyerno nga masugpo kining kampanya sa droga.
RadyoMan Don Pulayao
