PDEA-XI: Tulo ka individual nadakpan sa drug den gikasohan na

Davao City – Gipasaka na sa korte sa Philippines Drug Enforcement Agency (PDEA-Xl) ang kasong kalapasan sa RA 9165 kon Comprehensive Dangerous Drugs Act of 2002 batok sa tulo ka individual nga sila Jay Cal 49 anyos, drug maintainer ug laing duha ka drug den visitor nga sila Joel Cal ug Cesar residente sa Sta. Monica Street, Purok Sto. Nino, Brgy. Buhangin, syudad sa Davao.

Sa interview DXDC RMN Davao kang PDEA-XI Noli Dimaandal, dugay na ginapanid-an sa mga awtoridad ang mga suspek ug niadtong adlawng Lunes, Enero 30, malampuson nga nadakpan ang mga suspek atol gikasang drug buy bust operation sa nasampit nga lugar.

“Makonsidera gihapon as high value target because drug den man siya. Mao man gyud na ang ilang mga modus karon, didto nalang nila ginapasulod sa balay ang mga manuyopay o mogamitay to avoid the detection. If ever, naa man tay stakeholders sa community, kanang mga concerned citizen naga-igmat, nagabantay ug nagahatag og information,” sulti ni Dimaandal.

Kahinumdoman nga malampusong napalitan og 6 pakete nga shabu nga mokantidad og 231,000 pesos atol sa gikasang drug buy bust operation resulta sa pagkadismantle sa drug den nga gipundohan sa mga suspek. Ang tulo ka mga suspek balhug na sa selda sa Philippine Drug Enforcement Agency PDEA-Xl.

Ang operasyon gipangunahan sa mga ahente sa Regional Special Enforcement Team (RSET), Philippine Drug Enforcement Agency Regional Office XI, National Bureau of Investigation XI, SEMRO ug Police Precinct 3, Talomo Police Station.

RadyoMaN Don Pulayao