Sa interview sa DXDC RMN Davao kang Noli Dimaandal PDEA-XI spokesperson gibutyag niini, wala silay na-monitor nga kandidatong nalambigit sa gidiling droga, apan kung adunay malambigit gipaniguro sa PDEA-XI nga aksyonan ug i-validate una ang maong impormasyon.
Segun ni Dimaandal, karong panahon sa election dili malikayan nga mahimong gamiton sa kandidato o kaatbang sa politika ang maong isyu batok sa usa ka kandidato.
Nagtuo si Dimaandal sa rehiyon onse, walay malambigit nga official tungod sa mas gipakusgan nga programa sa PDEA-XI sa kampanya kontra illegal drugs ug daghan na ang mga barangay nga gideklarang drug cleared.
“945 na ang na-drug cleared barangay dili na siguro mosugot ang mga constituents niana lalong-lalo na sa mga drug cleared barangay, naa pod silay mga opisyal, kanang ilahang constituents nga na-involved sa illegal drugs sa una dili na sila mosugot intawon kay dili lalim magsubmit og mga documents para madeklarang drug cleared”,sulti ni Dimaandal.
RadyoMaN Don Pulayao
