Maga agente del Philippine Drug Enforcement Agency (PDEA) ya confisca shabu valor de 1.5 million de peso desde con el un drug pusher na barrio de Lagasan, Bongao, Tawi-Tawi del Lunes tarde.
Si PDEA Regional Director Lyndon Aspacio, CESE ya nombra conel suspechao como si Badang Awal Abdul, 40 anio de edad, casao del mencionao lugar.
Con Abdul ya aresta el maga agente del PDEA pormedio del buy-bust operation banda ala una del tarde.
Total de ciete grande-grande paquete de shabu que ta alcansa valor de P1,500,000 y P3,000 marked money ya recobri desde na pocesion di Abdul.
Con Abdul ya detene na PDEA Taw-Tawi pendiente el plantada del caso na corte.
Facebook Comments
