Maga agente del Philippine Drug Enforcement Agency ya confisca shabu valor de P5 million desde con 5 maga persona durante el buy-bust operation ya conduci na parking lot del La Casa Maria Restaurant na Sta. Maria del sabado tarde.
El PDEA Regional Director si Lyndon Aspacio ya habla suma total 20 grande paquete de shabu que ta alcansa un quilo ya pwede confisca desde con el 5 persona.
Fuera con este, ya puede tambien sila agara con un Ford Ranger y un Rusi motorsiclo ta dwenia el maga suspechao.
Si Aspacio ya nombra con el maga suspechao como canda Sahari Sabturani y Addalani, alias Dante Solaiman, el target del operation y miembro Kubal Drug Group. El maga otro arestao amo canda Ryan Rajan y Quijano, Kizzie Rajan y Tungupon, Gasi Hadjirul y Waliyul, todo del Calarian y Sanny Albajir de Tetuan.
Con el maga arestao ya detene na PDEA headquarter mientras el maga shabu ya entrega na diila laboratory. Si Aspacio ya habla con el maga suspechao ay planta caso de violacion del Acto Republica 9165 na corte
