Maga agente del PDEA junto con el pulis y maga soldao ya confisca shabu balor de P700,000 desde con dos persona durante el operacion ya conduci na Talon-Talon del Miercoles por la noche.
Alas 7 del noche cuando ya conduci buy-bust el maga otoridad donde ya resulta na aresto di canda Alnijar Kaisal y Wahid con maga aliases de Adman Salahuddin/Atchaid/Mogammad/Nizar Bin Abdullah Mahaddi/ Alnizar Jalaidi (high value target) y con Rap Panlilio Usman also HVT.
Durante el buy-bust, el PDEA ya recobri desde canila el 50 gramo de shabu y marked money.
Despues del buy-bust, el maga PDEA ya sirvi tambien el search warrant ya men issue si Judge Gregorio dela Peña III del RTC na casa di Kaisal.
Durante el servida del search warrant, el maga otoridad ya recobri cuantos paquete de shabu y maga drug paraphernalia.
Asegun con el PDEA suma total ya alcansa balor de P700,000 el maga shabu ya recobri desde con el dos suspechao.
