PDG Oscar Albayalde pangunahan ang inagurasyon sa bag-ong building sa Police Station 1

6

General Santos City–Nangandam na karon ang mga personahe sa Police Station 1 alang sa umaabot nga inagurasyon sa bag-o nilang building sunod simana kung diin pangunahan kini ni PNP Police Director General Oscar Albayalde.

Sumala pa ni PSI Abdulsalam Mamalinta ang hepe sa Police Station 1 nga sa karon ila nang gina-asikaso ang kulang sa maong estasyon kung diin una man usab kini nga gisuta ni Police Supt Manuel Lukban ang Regional Chief Directorial Staff ug Police Senior Supt. Raul Supiter ang city director sa General Santos City Police.

Gikabutyag man usab ni PSI Mamalinta nga mas mutaas ang moral sa mga sakop sa Police Station 1 tungod sa bag-o nila nga building ingon man kay ang Chief PNP usab ang manguna sa pag turn-over niini ngadto kanila. (Dave Silagan)

Facebook Comments