PDL nga nakapalagyo samtang naka- quarantine sa pasilidad sang BJMP sa banwa sang Dumalag, nadakpan na!

16

Dumalag, Capiz – Nadakpan na sang mga katapo sang BJMP ang person deprived of liberty(PDL) nga nakapalagyo gikan sa quarantine facility sang Bureau of Jail Management and Penology sa Barangay Santa Cruz, Dumalag, Capiz.
Liwat nga nasikop sa may bahin sang Barangay Quinabcaban, Dao, Capiz ang suspek nga ginkilala kay Christopher Pormalidad y Fuentes, 34 – anyos sang Barangay Inaladan, Cabatuan, Iloilo.
Ginapatihan nga naka-eskapo ang amo nga persona mga alas 4 sang kaaganhon sa nasambitan nga pasilidad samtang ini ang naka-quarantine sa sulod sang 14 ka adlaw pinaagi sa pagbuho sa pader sa nalikod nga porsyon sang quarantine facility sang BJMP sa Dumalag.
Base sa impormasyon, nagapangatubang sang kaso nga paglapas sa Section 5 and 11 sang RA 9165 ukon Comprehensive Dangerous Drugs Act of 2002 ang amu nga persona nga nadakpan sa anti-illegal drug operation sang mga katapo sang Regional Drug Enforcement Unit(RDEU) sang nakaligad nga Setyembre 6, 2021.

Facebook Comments