Davao City – Gipaigmat karon sa Provincial Disaster Risk Reduction and Management Office (PDRRMO) sa Davao de Oro ang mga lugar nga risgo panahon sa kalamidad.
Sa interbyu sa DXDC RMN Davao kang Joseph Randy Loy, PDRRMO Officer, gibutyag niini nga adunay mga identified areas sa probinsya nga risgo sa flooding o landslide sama sa munisipalidad sa Compostela, New Bataan, Monkayo, Nabunturan, Maragusan ug uban pang areas.
Matud ni Loy nga 24/7 ang pag-monitor sa PDRRMO sa panahon ug bisan sa water level sa kasapaan sa Davao de Oro.
“Kinahanglang lang nga mag-igmat ‘ta kanunay sa pagpaminaw sa mga warning that will be issued or are issued by the Local Disaster Risk Reduction and Management Council,” sulti ni Loy.
Hugot usab ang pakig-alayon sa PDRRMO sa matag lokalidad aron nga matunolan og ayuda ug nag-unang panginahanglan ang mga maapektuhang indibidwal panahon sa kalamidad.
RadyoMaN Kirby Manzon
Facebook Comments
