Sa pakighinabi sa DXDC RMN Davao kang Edward Macapili, ang Executive Assistant on Information and Communications sa PDRRMO Davao de Oro, iyang gipasabot nga wala pa sila naghatag og impormasyon sa publiko kabahin sa mga pangalan nga nalakip sa pagdahili sa yuta tungod nagapadayon pa ilang operasyon ug posible pang mabag-o ang inisyal nga mga report.
Dugang pa nga dili sab angay mabalaka tungod adunay koordinasyon ang lokal nga panggamhanan ngadto sa pamilya sa mga napagan sa landslide sa Masara.
“Atong gihangyo nga dili lang sa pagpataka og post ilabina sa mga fake news. Kay tong gi-post, those things are under validation. Kay basin i-post nato nga missing unya tua diay gitaban lang no. Gi-post nato nga nawala tua diay naglaag-laag ra.Unya gibutang didto list of missing individuals unya wala diay nawala. Atong gihangyo ang katawhan to refrain o likayan usa ang pag-post ug mga pangalan o mga fake news aron dili malibog ang atong publiko,” matud pa ni Macapili.
RadyoMaN Ivy Parido
