Davao City- Gipanubayan na sa Provincial Disaster Risk Reduction and Management Office (PDRRMO) Davao Occidental ang report nga niabot sa ilang buhatan nga aduna’y casualty sa Jose Abad Santos atol sa 6.8 nga linog gahapong adlawa, November 17, 2023.
Sa interview sa DXDC RMN Davao sa PDRRMO Davao Occidental, gibutyag nila nga nigula sa initial assessment nga aduna’y mga panimalay ug mga tulunghaan ang na damyos ug aduna usab pipila ang naangol.
Sa pagkakaron, ginahulat pa sa buhatan ang report sa monitoring gikan sa uban pang munisipalidad sa Davao Occidental samtang nagapadayon usab ang ilahang assessment sa mga lugar nga mao’y napurohan.
Facebook Comments
