PDRRMO Sarangani nanawagan nga magbinantayon tungod sa pinisik sa duha (2) ka bagyo

16

Sarangani Province–Nanawagan karon ang Provincial Disaster Risk Reduction and Management Office sa probinsya sa Sarangani nga magbinantayon tungod sa kasamtangang nasinatian og masinatian pa nga maot nga panahon.

Segun ni Robert Lubonting, ang operations officer sa PDRRMO Sarangani ilalum sa Sulong Kaligtasan program ni Governor Steve Chiongbian Solon, nakasulod na matud pa ang Bagyong Neneng kagahapon sa nasud Pilipinas sa may Batanes sa Northern Luzon hinungdan nga nakasinati og dakong pagbundak sa ulan ang Sarangani Province og General Santos City tungod na usab sa paghatak niini sa Southwest Monsoon kon Hanging Habagat.

Walay natala nga dakong pagbaha gawas sa tolerable ra nga pagbaha sa bandang Lumatil sa lungsod sa Maasim.

Apan nagpahimangno ang PDRRMO Sarangani kauban ang mga MDRRMO og BDRRMO nga bantayan ang usa pa ka bagyo nga gilauman nga musulod sa PAR kon Philippine Area of Responsibility ugma sa hapon, Miyerkules, Setyembre 12. Gitawag kini nga Bagyong Mangkhut samtang anaa pa kini sa gawas sa PAR apan pagsulod niini sa Pilipinas pagatawagon kining Bagyong Ompong.

Facebook Comments