Davao City- Girespeto ni Councilor Nilo Abellera ang desisyon sa lokal nga konseho sa pagtangtang kaniya sa iyang komitiba sa Peace and Order.
Atol sa interbyu sa media kang Abellera gibutyag niini nga wala pa siya nasayod sa matuod nga rason kung nganong gihukas kaniya ang chairmanship sa maong komitiba tungod wala pa sila nagistorya ni Vice Mayor Paolo Duterte ug sa mga konsehal kalabot niini.
“Kung it’s a collegial decision then I’ll accept it wholeheartedly,” matud ni Abellera.
Gipakita usab ni Abellera ang iyang mga medical records diin advised kaniya sa iyang doktor nga magpahulay og 2-4 weeks tungod sa iyang balatian hinungdan nga wala siya makaapil sa pipila ka mga sessions.
Dugang niini nga i-compile usa niya ang mga files ubos sa iyang kanhi komitiba una mapasa niya ngadto sa bag-ong chair nga si Councilor Mabel Acosta.
“I will try to compile it first hindi ko pa ma-ano sa ngayon kasi kapapasok ko pa lang, but kung ano man ang naiwan siguro ipapasa sa kanya (Councilor Acosta),” segun ni Abellera.
RadyoMan Aimee Guinita
