Davao City – Suportado sa grupong Philippines Patriotic March of Integrity Toward Unity, Peace and Prosperity ang subling pagbanhaw sa hinabing pangkalinaw tali sa GRP ug sa CPP-NPA-NDFP.
Giingon ni Peace & Unity and Integrity Circle Movement Convenor Dr. Antonio Roldan nga usa ka dakung kalamboan ang subling paghatag og kahigayonan ni Pres. Rodrigo Duterte sa naputol nga peacetalk.
Gisulti ni Roldan nga lima na ka dekada nahimong babag sa dalan sa kalinaw ug kalamboan ang CPP-NPA-NDFP sa atong nasud diin ang nag-antos mao ang yanong lungsuranon busa sakto ang pamuno-nasud nga ipadayon ang naputol nga peace process.
Gumikan sa gidugayon sa insurhensiya sa Pilipinas, liboan na usab ka kinabuhi ang ilang napatay ug nabalda ang kalamboan maingon man binilyon ka pesos ang nawala sa gobyerno tungod sa economic sabotage nunot sa extortion activity.
Gitohoan ni Roldan nga ang pagbutang og deadline sa peacetalk maayo nga istratehiya aron mapadali ang paghitsas sa mga kasabutan alang sa kausaban sa dagan sa atong sosyodad nga dugay nang napadaplin.
Kumento pa niini nga makatabang ang pressure diha sa pag-intervenir sa mga nasud sama sa Estados Unidos, Russia, ug China sa pagahimoon nga peacetalk sa GRP ug CPP-NPA-NDF ugaling matigayon.
Tambag pa ni Roldan sa kagamhanan ug sa mga kumusta nga dungan nilang pundaron ang pagsalig sa matag usa uban sa suporta sa Amerika aron dili masabotahe ug sabotaheon ang peacetalk inay magmalampuson nga dunay maayong bunga mahatud.
Apan ang gikagul-an lang ni Roldan mao nga basin madala sa presyur sa mga isyu sama sa kaso sa ICC si Duterte ug niana maapektohan ang peacetalk nga gipanghinaut niini nga unta dili mabalda pag-usab.
RadyoMaN Joel Viray
