Davao City – Pabor ang usaka konsehal sa unang distrito sa syudad sa Davao sa sugyot karon nga ipadayon ang panghinabing kalinaw kun peacetalks tali sa mga rebelde ug gobyerno sa Pilipinas.
Sumala ni kanhi Committee on Peace and Order chairman sa Davao City Nilo “Small” Abellera Jr., mas maayong himoong lokal kini tungod kay mas nasayud ang lokal nga panggamhanan sa mga suliran tali sa mga rebelde.
Nagtoo si Abellera nga molampus ang peacetalks kung mopakita ug sinseridad ang mga rebelde pinaagi sa pag-undang sa ilang pagpangataki, pagpang-ambush ug pagpangilkil tungod kay ang gobyerno sinsero man ilawom sa liderato ni Pres. Rodrigo Duterte aron makab-ot ang kalinaw.
Samtang giklaro usab ni Abellera nga ang bugtong hinagiban lamang aron molampus ang hinabing pangkalinaw mao ang sinseridad sa matag pundok.
RadyoMaN Bernard Pantallon
