Davao City – Kinahanglang dinhi na pud sa Pilipinas himoon ang laing hugna sa peacetalks tali sa republika sa Pilipinas ug CPP-NPA-NDFP.
Sumala ni Davao City 1st district councilor Mabel Sunga Acosta, Davao City Council Committee on Peace and Order chairperson, mas maayo nga dinhi na pud sa nasod himoon ang panghinabing kalinaw.
Giingon ni Acosta, mas maayo gayod dinhi sa Pilipinas ang peace talks aron makita ang sinseridad sa matag pundok tungod kay nia dinhi ang problema.
Samtang pabor usab si Acosta nga mouli gyud sa Pilipinas si rebel front consultant Joma Sison aron iyang ma-istorya ang mga leader ilabina kadtong anaa sa ground.
Gisugyot sa chairperson sa Committee on Peace and Order nga apilon sa kasabutan ang pagre-integrate sa mga kanhi rebelde ug unsaon paglahutay aron walay nay giyera nga mahitabo sa umaabot nga panahon.
RadyoMaN Bernard Pantallon
