Padayon na karon ang pagpang-ilis sang Panay Electric Company ukon PECO sang ila mga poste nga yara sa tunga sang karsada kag mga gabuk nga mga poste.
Ginpahayag ni Mikel Afzelius, spokesman sang PECO nga una nila nga ginpang-ilisan ang mga poste sa Guzman Mandurriao kag ginsunod ang sa area sang Caingin, Lapaz.
Suno kay Afzelius nga may kabug-usan nga 250 ka mga poste sila nga pag-ilisan sa palibot snag siyudad nga naapektuhan sang road widening samtang ang iban mga gabuk kag kinahanglan na nga ilisan.
Iya ginpahayag nga kabuylog man nila sa ila ginahimo nga tikang ang city government kag pila ka concerned government agency kasubong sang DPWH, LTO kag TMTRO kag subong man ang mga TELCOS.
Gindugang pa ni Afzelius nga may yara sila sang ginasunod nga schedule sa pagpang-ilis sang mga poste.
