PECO, ginpaboran sang Korte Suprema batuk sa petisyon sang MORE Power nga i-expropriate ang ila mga propedad.

Ginkalipay sang tagdumalahan sang Panay Electric Company ukon PECO ang nangin desisyon sang korte Suprema nga pagbasura sa petisyon sang MORE power Corporation nga nagahingyo sang Temporary Restraining order ukon TRO batuk sa desisyon sang Mandaluyong RTC nga nagadeklarar nga void and unconstitutional sa plano sini nga i-expropriate ang mga Propedad sang PECO.

Ginpahayag ni PECO Communications Manager Marcelo Cacho nga nagapamatuod lamang ini nga indi madala sa pressure sang dalagku nga mga negosyante ang Korte Suprema.

Suno pa kay Cacho nga bangud sa nasambit nga desisyon sang pinakamataas nga hukmanan, makapadayon pa sa pagserbisyo ang Panay Electric sa mga Ilonggo.