ILOILO City – Magadugang sang tinawo si Engr. Randy Pastolero sang Panay Electric Company ukon PECO agud masigurado nga marespondihan kag masolbar gilayon kon may magluntad nga brown out sa syudad sang Iloilo.
Ini kasunod man sang hingyo ni City COMELEC Officer Atty. Reneir Layson sa PECO nga siguruhon nga wala sang may magluntad nga brownout sa tion sang eleksyon sa Mayo 14.
Suno kay Pastolero, wala sang problema sa power supply kag posible tuga sang technicalities ang pagluntad sang brownout.
Ginpasiguro ni Pastolero nga ila na gintsekyar ang mga linya sang kuryente pati na ang kahandaan sang ila tinawo agud masiguro nga indi magluntad ang brownout sa tion sang barangay kag SK elections.
RMN File photo
Facebook Comments
