Ginahingyo sang Panay Electric Company ukon PECO sa korte nga magpapanaug sang Temporary Restraining Order ukon TRO agud punggan ang pagpatuman sang R.A. 11212 nga nagahatag sang prangkisa sa More Power Corporation bilang distributor sang kurytente sa siyudad sang Iloilo.
Ginpahayag ni Melchor Cacho, Admin Manager sang PECO nga luyag nila kuwestyunon ang constitutionality sang paghatag sang franchise sa More kag hingyuon sa kongreso nga maghiwat sang deliberasyon angut sa ila application for renewal.
Suno kay Cacho nga wala man lang gintalakay sa kamara ang ila application kag mas gin-una pa gindeliberate ang application sang More nga ulihi na nga nag-apply.
Ginakabig man ni Cacho nga illegal ang pagkumpiskar sang ila mga propedad kag ihatag sa More Power.
