Dipolog City-Kagahapon Oktubre 3, 2018, gihimo ang Media Forum alang sa gipaabante nga pederalismo didto sa may Missio Dei Hotel, brgy. Miputak, DipologCity aron sa paghatag ug overview kun unsa kini ang pederalismo ug kun unsa kini ka mahinungdanon.
Ang nanguna sa maong forum mismo ang taga Department of Interior and Local Government (DILG) pinaagi ni Region 9 DILG Dir. Paisal O. Abutazil, Administrator, center for federalism constitutional reform Asec. Jonathan Malay; MR Ramon Casiple; Prof. Edmund S. Tamayo; Prof Eddie M. Alih, Atty. Ferdinand Bacobo; ug ni Atty. Susan Ubalde-Ordinario.
Gihisgutan didto kun unsay mahimo sa pederalismo kun kini mamahimo na nga basehan sa pang gobyerno sa Pilipinas kini tungod kay matod pa ni Casiple kini ang tubag sa kurapsyon ug kalisod dinhi sa nasud tungod kay adunay pareha nga gahin ang matag rehiyon.
Dili pareha karon sa atong pang gobyerno nga unitary form of government nga mas dako ug pahat ang nasyunal kumpara dinhi sa Mindanao ug Visayas.
Mao kini karon gusto nila mapaabot kini sa mga yanong katawhan pinaagi sa mga media aron sa ingon nga mas masabtan sa bagang duot sa katawhan ilabi na kadtong anaa sa ubos nga hut-ong sa katinglingban nga lahi ang ilang pagtuo sa pederalismo.
Ang draft karon sa pederalismo nga ipresentar kang pangulong Duterte, nakalatid nga kinahanglan matag rehiyon adunay mga Senador aron mo representa sa matag rehiyon, mag butang sab ug mga supreme court nga dili mo ubos sa 3 aron mas padali ang dagan sa kaso, pagwagtang sa daynastiya ug paghatag ug dako nga pahat aron mo lambo ang usa ka lugar.
Positibo usab ang panan-aw sa mga resources speaker nga kini na unya ang tubag sa problema dinhi sa pilipinas kun ugaling ma aprubahan kining pederalismong pang gobyerno.
