Davao City – Tugpa sa balay tambalanan ang usa ka pedestrian human maligsan sa usa ka multicab sa lungsod sa Bansalan, alas-12:50 sa kadlawon, Septyembre 11, 2025.
Matud pa ni PMaj. Daryl Francis Ramos, hepe sa Bansalan MPS, nga ang multicab nagbyahe gikan Cotabato City padulong Digos City, apan nadisgrasya pag-abot sa National Highway, Ramon Delos Cientos Street, Barangay Poblacion Dos, Bansalan.
Gipasabot sa imbestigasyon nga buot na unta motabok ang biktimang si Jenelyn, 34 anyos, dalaga, residente sa Kiamba, Sarangani Province, apan kalit kini naligsan sa maong dapit.
Tungod sa kakusog sa impak, nakaangkon ang biktima ug samad sa nagkadaiyang parte sa lawas.
Sa pagkakaron, anaa na sa kustodiya sa Bansalan Municipal Police Station ang driver samtang ang biktima giatiman na sa balay tambalanan sa dakbayan sa Digos.
RadyoMaN Bien Abanos
Facebook Comments
