Davao City – Dead on arrival ang usa ka lalaki human kini nabanggaan sa Brgy. JP Laurel, Panabo City, Davao del Norte alas 8:30 sa gabii niadtong June 30, 2024.
Sa gipadalang impormasyon sa DXDC RMN Davao gikan ni PLtCol. Jess Anthony Maghirang, hepe sa Panabo City Police Station, giila ang biktima nga si Anthony Libyo, 34 anyos, taga Brgy. Gredu, Panabo City. Samtang ang driver sa pickup truck nailang si Christian Huevos, 25 anyos, taga Brgy. Apokon, Tagum City.
Sa imbestigasyon, nagbiyahe sa Daang Maharlika ang sakyanan ug pag-abot sa maong lugar, atubangan sa City Hall, mitabok ang lalaki ug didto na kini nabanggaan sa pick-up hinungdan nga nakahiagum kini og injuries rason sa iyahang kamatayon.
Gibutyag usab sa police official nga ginaproseso na karon ang kasabutan o settlement sa duha kampo, bugti sa pag-atras sa posibleng kaso tungod sa insidente.
RadyoMaN Kirby Manzon
Facebook Comments
