Kalibo, Aklan — Patay rong sangka pedicab driver matapos nga raya hay eomompat sa ginaskyang barko sa baybayon nga sakop it Boracay.
Ro biktima nakilaea kay Manuel Diaz, 32-anyos ag native it Panit-an, Capiz pero sa pag follow up it RMN Roxas nasayuran nga taga Milibili, Roxas City, Capiz raya.
Natabo rong insidente samtang sakay it MV Maria Ursula nga ginapanag-iyahan it Montenegro Lines rong biktima halin Mindoro paadto it Caticlan tag eomompat raya.
Insigida nga nagpatigayon it search and recsue operation ro mga taga Philippine Coastguard ag mga crew it nasambit nga barko para usuyon ro biktima ag makataliwan ro kapin 30 minutos hat nakita raya nga naga eotaw-eotaw ag uwa eon it kabuhi.
Nasayuran nga nag uli eong biktima sa Capiz bangud man sa problema sa pamilya.
