Pedicab driver nagbaligya hin gin-aaligar "shabu", arestado

408

TACLOBAN CITY – Arestado an usa nga pedicab driver matapos nga magbaligya hin gin aaligar illegal nga droga ha Brgy. 59 Picas, Tacloban City kakulop, March 27.

Subay ha report han Tacloban PNP, ginkilala an suspek nga hi Carlo Claridad Badaran, 23 anyos, usa nga pedicab driver, residente han Brgy. 100 San Roque, Tacloban City.


Nagawas ha inisyal nga imbistigasyon han mga otoridad, usa nga watchlisted drug personality an suspek.

Napalit han nag ala pusher buyer nga otoridad tikang ha suspek an usa (1) ka pakete han gin-aaligar shabu nga may kantidad nga P500. Nakompiska naman tikang ha possession han suspek an duha (2) pa kapakete han “shabu”.

Paslak na yana an suspek ha Tacloban PNP custodial facility.

Facebook Comments