Pedicab driver patay human nabanga’g pick-up nga padulo’g Davao

Davao City – Dead on the spot ang usa ka driver sa tricycle atol sa aksidente tali sa pick-up truck sa Purok Santan, Barangay Bulacan, Malalag, Davao del Sur niadtong Dominggo, April 14, 2024.

Sa interview sa DXDC RMN Davao kang PSMS Jonalou Cañada, imbestigador sa Malalag Municipal Police Station (MPS), iyahang giila ang biktima nga si William Semblante, 45 anyos, taga General Santos City nga nanrabaho sa Malalag.

Saysay ni Cañada nga gikan Malita ug padulong Davao City ang pick-up nga gimaneho ni Andres Arregadas, 69 anyos, taga Matina sa dihang nahitabo ang insidente.

“Pag-overtake niya, naa poy nagsunod sa iyaha nga Raptor. Pag-overtake niya sa pedicab (tricycle), ni-overtake pud ang Raptor. Ni-give way siya. Pag-give way niya, nibalik siya sa iyang linya mao ‘to nabundolan niya ang pedicab,” saysay sa imbestigador.

Tungod sa panghitabo, na-injured ang tulo ka pasaherong sakay sa pedicab nga daling gidala sa ospital, diin ang usa nakagawas na.

Samtang, gitakdang mag-areglo ang duha ka kampo ug mipasalig nga abagohon ang galastuhon sa pagpahilona sa biktima ug medikasyon sa lain pang mga samaran.

RadyoMaN Kirby Manzon