Un persona ya muri despues accidentalmente ya man baliscat na motorsiclo porcausa na pehro na Sitio Tala, Boalan del Sabado por la noche.
El gefe del Divisoria Police Station si Chief Insp. Salvador Galvez ya nombra con el victima como si Rolando Agustin, casao, de Tala,Boalan.
Asegun con el investigacion del pulis ta aparese ta maneja si Agustin consu motorsiclo pasada alas 7 del noche cuando derepente ya trabesa un pehro largao y yan bangga le con este.
Porcausa con el incidente, ya man baliscat si Agustin y yan guyut este por cuantos metro y ya causa irida na sucuerpo y cabesa.
Con Agustin ya lleva pa na hospital pero ya despidi este porcausa con el maga fatal irida.
Facebook Comments
