Report ni: Tita Jen Palomo Debaja
Nag pa gwa naman sang warning ang Philippine Overseas Employment Administration (POEA) sa mga Filipino workers kag turista sa Macau nga maghalong sa illegal recruiter . Gina paandamanS ang tanan nga indi gid mahaylo sa mga naga offer sang ubra sa China tungod peke ini.
Suno sa report nga ginpalab ut sa POEA, nag endorso ang Department of Foreign Affairs (DFA) sang kaso nga illegal recruitment sa isa ka Filipina household service worker sa Macau nga gin alegar gin recruit ini sang pinay nga naga hingalan kay Pia Ciabacal agud mag ubra sa Beijing.
Una nga nagkadto sa Macao bilang turista ang tagreklamu kag nakakita sang ubra. Sang nakilala sini si Ciabacal , gin oferan ini nga paubrahon sa Beijing kag maga sweldo sang RMB7,500 per month (or HK$9,250).
Naka sulod matuod kg nakaubra sa China ang biktima apang nag refuse ang employer nga magsweldo sa iya. Gin confiscate man ang cellphone kg mga dokumento sini kalakip ang iya pasaporte.
Dugang pa sa report nga naga ubra bilang agent si Ciabacal kag pila pa ka Filipinos sa Macau sa isa ka Chinese recruiter nga ginkilala gid lang kay “Fancy�.” Tag iya si Fancy sang isa ka negosyo nga gina tawag MMC Enterprises kag makit an ini sa “Beleno Shop”� sa Macau.
Suno sa tag pamaba sang POEA, naga akto ang Beleno shop bilang “front”� para sa MMC, apang ang matuod likum nga naga operate ini bilang isa ka recruitment agency kag gina target ang mga Filipinos kag Indonesians sa Macau
Sa madumduman madamu ang naintuan nga mga OFWs sa Hong Kong, Singapore kag Cyprus sang illegal recruiters kon sa diin ulihi na nadiskubrehan sang mga ini nga indi legal ang ila pag transfer sa iban nga pungsod particularly Sa Dubai, Mongolia, Turkey kag Russia.
Ang third country recruitment gina kunsiderar nga illegal gani kilalahon gid kag busision ang naga recruiter sa inyo agud indi mangin biktima sining nasambit nga modus.
