General Santos City- Arestado sa Makar Police Station og sa pakighiusa sa tropa sa City Investigation and Detective Management Branch ang usa ka mananambal ( quack doctor) tungod sa kasong lugos og sexual abuse.
Giila ang suspetsado nga usa ka Daniel Matute, 58 anyos, og usa ka retired marine, residente sa may Prk. 3 Extension Barangay Apopong ning syudad sa Gensan.
Sa pamahayag ni Police Senior Inspector Robert Fores, ang Deputy Station Commander sa Makar Police Station, nga adunay duha ka mga reklamo ang nakaabot kanila sa gihimong pagpangabuso nga sagad mga pasyente sa hilot sa nahisgutang suspek.
Nagtoo usab si PSI Fores, nga daghan pang mga biktima sa maong lugar ang miagi sa mga kamot ni Matute.
Samtang nanghimakak usab ang nasampit nga suspetsado sa mga akusasyon batok kaniya.
Sa interbyu kaniya sa RMN GENSAN nga dili tinood nga iyahang gina-abuso ang iyahang pagka manghihilot aron nga biktimahon ang iyahang mga pasyente.
