Peke nga mga sigarilyo nasakmit sa NBI

Nasakmit sa mga tinugyanan sa National Bureau of Investigation ang kinarton nga peke nga sigarilyo sa lain laing tindahan dinhi sa Sugbu kagahapon .
Usa ka distributor sa genuine nga mga sigarilyo didto sa kaulohan nagpatabang sa NBI Manila aron pagronda sa mga namaligya ug counterfeit nga produkto dinhi sa Sugbu.
Ang NBI Manila nagpatabang usab sa mga agents sa NBI-7 sa pagsakmit sa mga peke nga sigarilyo sama sa Mighty ug Marlboro gikan sa mga nagtinda niini sa dakbayan sa Toledo, Pinamungahan , dakbayan sa Sugbu ug Lapulapu .
Dinhi sa dakbayan sa Sugbu duha ka tindahan sa Carbon Market ang nakuhaan usab ug susamang mga produkto.