CAUAYAN CITY – ARESTADO NG CRIMINAL INVESTIGATION AND DETECTION GROUP (CIDG)–NUEVA VIZCAYA FIELD OFFICE ANG ISANG LALAKI NA NAGPAPANGGAP UMANO BILANG DENTISTA MATAPOS ANG IKINASANG ENTRAPMENT OPERATION SA BARANGAY BONFAL PROPER.
NATUKOY ANG ILEGAL NA GAWAIN NG SUSPEK MATAPOS MAGSUMBONG ANG ILANG PASYENTE AT LEHITIMONG DENTISTA NA NAKAPANSIN NG PALPAK NA PAGKAKAGAWA NG PUSTISO AT DIY BRACES.
LUMABAS SA IMBESTIGASYON NA SA MISMONG BAHAY NG SUSPEK ISINASAGAWA ANG MGA DENTAL PROCEDURE GAMIT ANG SARILING MGA MATERYALES.
SA OPERASYON NA PINANGUNAHAN NI POLICE MAJOR ARIEL GABUYA, NAKUMPISKA MULA SA SUSPEK ANG IBA’T IBANG GAMIT SA PAGGAWA NG PUSTISO KABILANG ANG DENTIST RITTER, DENTAL WAX, DENTAL ARTICULATOR, MGA DENTAL TOOLS, MIXING BOWL, DENTAL PONTIC, AT APAT NA PARES NG PUSTISO.
KINUMPIRMA RIN NG PROFESSIONAL REGULATION COMMISSION (PRC) NA WALANG PANGALAN NG SUSPEK SA KANILANG LISTAHAN NG MGA LISENSYADONG DENTISTA, DENTAL HYGIENIST, O DENTAL TECHNOLOGIST.
NAGBABALA NAMAN ANG PHILIPPINE DENTAL ASSOCIATION (PDA) SA PUBLIKO NA MAGPAKONSULTA LAMANG SA MGA LEHITIMONG DENTISTA AT TIYAKING MAY NAKADISPLAY NA KAUKULANG LISENSYA AT DOKUMENTO BAGO SUMAILALIM SA ANUMANG DENTAL PROCEDURE.
