Davao City – Nasuta sa Special Investigation Task Group nga mga peke ang gigamit nga mga plaka sa duha ka mga getaway vehicles sa mga suspek sa pagpatay sa magtiayong Atty. Sitti Gilda Mahinay-Sapie ug Muhaimin Sapie.
Sa ekslusibong interbyu sa DXDC RMN Davao kang Davao City Police Office (DCPO) City Director ug SITG head Police Col. Kirby John Kraft, sa gihimong pag-review sa cctv footage nakuha nila ang mga numero sa sakyanan ug gipa-identipika nila kini sa Land Transportation Office (LTO) ug nasuta nga mga vehicle numbers kini sa mga motorsiklo.
“ Nakita natin para pala ito sa mga motor, iyong isang motor taga-Davao del Sur at iyong isa sa Lanao. Iyong taga-Davao del Sur nakausap na natin inano niya na talagang sa motor na iyon ibig sabihin ginamit talaga ng mga suspek iyong identity ng motor niya para ilihis ang imbestigasyon,” sumala niini.
Nakuhaan na og statement ang tag-iya sa maong motor vehicle number sumala ni Kraft.
Gihuptan sa SITG ang mga footages nga nakakuha sa duha ka mga nag-convoy nga mga itom ug puti nga nga sakyanan nga nisulod sa subdivision ug dungan usab kining nisibat human sa krimen.
Katambayayong sa PNP, ang Public Safety and Security Command Center (PSSCC) sa pagpanguha pa og dugang mga cctv footages nga makatabang sa pag-trace ug locate sa mga sakyanang gisakyan sa mga suspetsado sa Sapie double murder case.
RadyoMaN Aimee Guinita
