Taguig City – Pinaghahanap na ng National Capital Region Police Office (NCRPO) ang lalaking nakasuot ng uniporme ng pulis na nang-harass ng buntis na babae sa Bonifacio Global City sa Taguig.
Ang nasabing lalaki ay nakasuot ng athletic shirt at sumbrero ng pulisya ngunit tadtad ng tattoo sa braso.
Ibinahagi ng ginang na si Pinky Timbang Ortiz sa facebook ang insidente na may kasama pang mga litrato ng lalaki, at ng plaka ng SUV na minamaneho nito.
Ayon kay NCRPO Director Oscar Albayalde, beberipikahin nila kung totoo ngang pulis ang lalaki, bagaman duda siya dito.
Sinabi pa ni Albayalde na bagaman may mga tattoo ang ilan sa mga pumapasok sa serbisyo, hindi nila pinahihintulutan ang mayroong mga tattoo na lumalampas sa uniporme tulad sa nasabing lalaki.
