Sumisip, Basilan- Ta esta na critical el condisyon del un madre de familia desdel Sukaten Sumisip despues con este tahya el su antes esposo amediante diila peleya entre kaingin endenantes aga.
El hefe del Sumisip Municipal Police Station si PSI Insp. Marty Calara, ya habla que base na diila investigasyon ta aparece que ya tiene caliente argumento el man maridable, y amediante el diila peleya, alegaomente ya tahya si Lasari Lantasan con su esposa si Mara Tiyarul, el tiempo tambien ya llega el subrino di Mara quien ya puede mira con el incidente, ya anda este tira con el Lasari que ya causa el de este ensiguidas muerte.
Asegun con Insp. Calara continuando pa sila ta conduci con el mas del investigasyon aserka el sangrino incidente.
Facebook Comments
