Ang FUN RUN nahimo na nga regular nga matang sa pagpa ugnat sa kusog karong panahona. Sa bisan asa nga siyudad sa nasud usa na kini sa gipaabot sa mga mahilig magpasingot o mag ehersisyo.
Apan kung apilan kini ug mga buatang nga makahatag ug peligro sa kahimsog sa sumasalmot, huna hunaon una sa pag-ayo sa mga organizers ug mga participants.
Ang pag sabwag ug mga de kolor nga abog samtang nagpahigayon sa fun run makahatag uh ka peligro sa kahimsog sa mga sumasalmot gumikan kay kung malanghab kini hayan madaut ang baga sa mga runners. Mao kiniy mahimong hinungdan sa hubak, ubo, sipon ug ubang mga problema sa pag ginhawa.
Gawas niini, maghatag pa kini ug kahugaw sa palibot. Ang siyudad naniningkamot nga magpabiling limpyo ang palibot pinaagi sa mga aides sa kadalanan. Kini nga matang sa fun run naghatag ug kahugaw sa palibot delikado pod sa dagan sa trapiko tungod kay malimitahan ang paglantaw sa mga drivers gumikan sa kaabog sa kadalanan.
Gawas sa pagpangayo ug permit sa siyudad diba angayan lang nga duna kiniy clearance gikan sa City Health, DENR, Traffic Department ug sa mga apektadong barangay?
Ikaw idol uyon ka ba ani nga matang sa FUN RUN?
