PEMO South Cotabato naglunsar sang “Basura Hotspot, Super Hero Challenge”.

Naglunsar ang Provincial Environment and Management Office South Cotabato sang “Basura Hotspot, Super Hero Challenge” kabahin sang aktibidad sini subong nga selebrasyon sang Environment Month subong nga Hunyo.
Suno kay Supervising Environment Management Specialist Elbe Balucanag katuyuan sang nasambit nga programa nga hangkaton ang mga pumuluyo nga mangin responsable kag magpartisipar kon paano maproteksyunan ang environment para sa Clean and Green South Cotabato.
Kinahanglan lamang suno pa nga maghimo sang grupo nga may-yara sang lima ka miyembro kag mangita sang basura hotspot area kag magapatigayon sang clean-up with proper segration and disposal kag i-documents before , during and after clean –up drive kag i-post sa PEMO FB page.
Samtang, ang may madamo nga likes kag love reactions suno pa ang i-recognize kag pasidunggan sa culmination program sang Environment Month celebration sa Hunyo 20 subong nga tuig.
May-angot sini lakip man sa aktibidad sang PEMO South Cotabato subong nga environment month celebration sa Hunyo 4 ipatigayon ang Walk run and pedal upod na ang EMB 12 kag pagpatigayon sang pagsinapol sa mga pollution control officer sa mga hospital kag clinics nga may-yara sang MOA sa collection treatment and disposal sang health care infectious waste kag iban pa.
Sa Hunyo 7 naman ipatigayon ang synchronized clean-up drive upod ang Provincial League of Local Environment and Natural Resources Office.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>