Ta pidi el Committee Chairman del Anti-Drugs na consejo local Hon. Jerry Perez con el Philippine Drug Enforcement Agency (PDEA) para nomas descanza el campaña contra droga ilegal aqui na ciudad de Zamboanga.
Asegun con Perez, aura que sila ya lang el otorisao ahensya del govierno que fuede conduci el campaña contra droga, mas mejor si fuede sila intensifica el tal esfuerzo que ya sustene el mga pulis aqui na ciudad.
Si Perez ya abla cay el destrosada del mas de dos sientos milyones de pesos valor del mga ilegal droga ayer que ya conduci el PDEA indicaccion lang que bien seryoso pa el problema de droga aqui na ciudad y entero rehiyon.
Apelo de Perez con el PDEA que mantene tambien el coordinaccion na mga oficiales del barangay para sustene el campaña contra droga ilegal na fueblo. – *Bhong Simbajon/RMN News*
