Davao City – Gidayeg ni Davao City Councilor Mabel Sunga-Acosta ang nahimong maayong pagdumala ni Police Colonel Alexander Tagum, ang outgoing director sa Davao City Police Office (DCPO).
Sa interbyu sa DXDC RMN Davao kang councilor Acosta nga nagsilbi usab isip chairperson sa committee on peace and order sa konseho, gibutyag niini nga wala kini nahimong problema sa serbisyo ni Tagum dinhi sa syudad sa Davao.
“Wala gyud koy nahimong problema sa perforamance ni Col. Alexander Tagum. In fact, I would like to commend him for his great service for the constituents of Davao City,” saysay ni Acosta.
Saysay ni Acosta nga daling mo-aksyon si Tagum ug kung aduna usay request ang city council nga mutambong siya sa mga pagdungog, aktibo usab kining naga partisipar.
“Kung naay kinahanglang aksyon, mo-aksyon dayon. Ug kabahin sa legislation, kung naay hangyo ang city council nga mutambong siya sa committee hearing, muadto gyud siya,” dugang ni Acosta.
Nasayran nga karong adlawa, pormal nang manamilit si Tagum isip director sa DCPO ug kini pulihan ni Police Col. Kirby Kraft gikan sa Police Regional Office 3 Highway Patrol Group.
RadyoMaN Kirby Manzon
