Davao City – Nagpagula og order karon ang Davao City Government bahin sa pagdeklara og ‘Period of Mourning and Vigilance’ sa syudad sa Davao.
Subay sa Executive Order No. 25, epektibo ang nahisgutan sugod karong adlawa April 17, 2020 hangtod December 31, 2020.
Ubos sa maong EO, kanselado na ang tanang city ug national government celebrations, parties, anniversaries, ug festivities samtang kinahanglan mubo lang usab ang pag komemorar sa mga importanteng petsa ug legal holidays.
Dugang niini mao usab ang pagkansela sa tanang founding anniversaries/Araw ng Barangay celebrations gani ipostpone usab ang mga dagkong selebrasyon hangtod 2021.
Samtang ipabilin usab sa lowkey nga di musobara sa 25 guests ang mga private parties ug ang mga private sectors giabisuhan nga ikunsidera ang food distribution, feeding program, o financial assistance sa ilang mga empleyado.
Subay niini, hugot gitino sa lokal nga gobyerno sa syudad nga aksyunan nila ang mga kasong dunay pagsupak sa mga nahisgutan.
RadyoMaN Renz Barbarona
