‘Permit to carry’ ginaproseso, Federalism info drive kulang pa

16

Davao City – Gina-proseso na karon matud pa sa Department of National Defense (DND) ug Department of Interior and Local Government (DILG) ang hangyo sa mga konsehal sa tibuok Pilipinas bahin sa pagbaton og armas kun ‘permit to carry’ alang sa seguridad.

Sa interbyu kang Philippine Councilors League President Danilo Dayanghirang, gibutyag niini nga posibleng i-apil sa maong permit ang ubang lokal nga opisyales nga walay kaso o order gikan sa korte.

Gani, ihanyag sa di’ madugay ang resulta sa aksyon sa maong hingtungdang ahensiya.

Samtang kumento sa konsehal sa ikaduhang distrito sa Davao nga kulang pa ang pagpakaylap og impormasyon bahin sa Pederalismo ilabi na sa lebel sa kabarangayan ug munisipyo diin wala pa kini mga kopya sa Federalism Constitution draft.

Sumala ni Dayanghirang nga girekomenda nila kagahapon ngadto kang Executive Secretary of the Philippines Salvador Medialdea nga mamahimong gamiton ang katakos sa mga konsehal sa tibuok Pilipinas lakip na ang mga mayor ug gobernador alang sa pagpahibalo bahin sa Pederalismo.

Panlantaw ni Dayanghirang nga dawaton sa katawhan ang ginadusong konstitusyon ilabi na kung makapamaayo kini sa nagkadaiyang rehiyon.

RadyoMaN Jason Amisola

Facebook Comments