Nagbabala ang Department of Education (DepEd) na tatanggalan ng permit to operate ang mga pribadong eskwelahan.
Ito ay kapag nabigo ang mga ito na maipatupad ang mga probisyon ng anti-bullying law.
Ayon kay DepEd Undersecretary Annalyn Sevilla – maaring suspendihin o i-revoke ang permit o recognition ng private school na hindi makakapag-comply sa requirements ng Republic Act 10627 o Anti-Bullying Act of 2013.
Bibigyan aniya ng 30 araw ang mga eskwelahan para maka-comply.
Sa ilalim ng batas, lahat ng public at private schools ay nakamandato para ipatupad ang child protection o anti-bullying policy.
Matatandaang na-dismiss sa Ateneo de Manila University ang isang junior high school student dahil sa viral bully video nito.
Facebook Comments
