Davao City – Karon nga bag-ong tuiga na, ting renew na usab og mga permits sama sa business ug health permits gani karong adlawa, Enero 2 mag-resume na ang opisina sa gobyerno mga mo-atiman sa permit renewal.
Kaniadtong niaging press briefing uban ni Davao City Mayor Inday Sara Duterte-Carpio, gianunsyo sa alkalde nga ang business permit one-stop shop renewal nga kaniadto nahimutang sa may NCCC Mall Davao, kini gibalhin na karon sa Davao City Recreation Center kun Almendras gym samtang ang health permit renewal mamahimong makuha didto sa Felcris Centrale nga nahimutang sa may Quimpo Boulevard ning syudad.
“Kadtong dili gusto muanhi dinhi sa SP Building can go to DCRC para sa one-stop shop. Health permits renewal instead of diri sa City Health Office kay inconvenient kaayo ang place, naa sila didto sa Felcris Centrale just a few steps from DCRC, mas han-ay didto and mas better ang lugar,” segun ni Mayor Sara.
Dugang niini, aron dili maundang ang serbisyo ug dili madugay ang transaksyon ug processing sa mga aplikante, ipatuman gihapon sa syudad ang ‘No Noon Break’ policy.
RadyoMaN Renz Barbarona
