Anaa na karon sa kustodiya sa kapolisan sa lungsod sa Pinamungajan ang 26 anyos nga “person of interest” sa linoog nga pagpatay sa 14 anyos nga dalagita .
Matud sa hepe sa Pinamungajan Police Station Police Major Felicisimo Aranas Jr. didto nila nadakpan ang suspek sa balay sa iyang inahan sa Barangay Lahug sa dakbayan sa Sugbo .
Giangkon hinoon sa kapolisan nga dili pa sinto porsyento nga suspek ang maong lalaki tungod usab kay wa pa silay solido nga ebidensiya .
Nakakuha sila ug sapot nga adunay mantsa ug gitohoang dugo apan ila pa kining ipaiksamen og ipa-DNA test .
Ang biktima nga si Justine Andayop halos maputol ang liog samtang adunay mga samad sa ubang bahin sa iyang lawas dihang napalgang patay sa kakahuyan sa Sitio Caimito Barangay Guimbawian sa Pinamungajan .
