Pagadian City – Person with disability nga mogradwar karung adlawa, nagtrending sa Social Media
Gipamatud-an sa usa ka lalaki nga dunay kabilingan sa panglawas nga dili babag kaniya ang pagkab-ot sa iyang pangandoy sa kinabuhi.
Gikatakda nga mopaso karung buntag si Joseph Alcano Anggot, usa ka person with disability nga mitapos sa kursong BACHELOR OF SECONDARY EDUCATION (BSED) Major in Mathematics didto Western Mindanao State University kun WMSU-Molave Campus.
Sa eksklusibo nga interview sa RMN DXPR Pagadian kang Jospeh, naghinam-hinam na kini nga modawat sa iyang deploma karung adlaw ug gibati niya ang pagbulahan nga motungtong sa intablado bisan sa iyang sitwasyon.
Aminado kini nga sa tulunghaan palang nakasinati na siya og mga pagsaway apan wala kini igsapayan ni Joseph og mas nakapadasig pa kini kaniya nga maningkamot aron makab-ot ang iyang pangandoy sa kinabuhi.
Ang amahan ni Joseph dugay nang mipanaw na busa siya og ang iyang inahan nalang ang nag-ugmad aron siya makahuman sa pagtungha pinaagi sa dyutay nila nga tindahan.
Nagtubo siya nga gimatuto pag-ayo sa iyang ginikanan ug gihimo niyang inspirasyon ang tambag sa iyang nipanaw nga amahan.
Emosyonal siya nga nagpadangat sa pagdayeg sa Dios nga Gamhanan gani trending na kun gihisgutan kanunay sa Social Media ang kinabuhi ni Joseph.
